Khawab Basera…..
Is Waqt To Yun Lagta Hai Ab Kuch Bhi Nahin Hai
Mahtab Na Suraj Na Andhera Na Savera
Aankhon K Darichey Men Kisi Husn Ki Jhalkaan
Aur Dil Ki Panaahon Men Kisi Dard Ka Dera
Mumkin Hai Koi Veham Ho Mumkin Hai Suna Ho
Galiyon Men Kisi Chaap Ka Ek Aakhiri Phera
Shaakhon Men Khayaalon K Ghaney Pairr Ki Shayad
Ab Aa k Karey ga Na Koi Khwaab Basera
Ik Bair Na Ik Mehar Na Ik Rabt Na Rishta
Tera Koi Apna Na Paraya Koi Mera
Faiz’s Poem "Vo Jang”
Tum ye kehte ho vo jang ho bhi chuki
Jismen rakha nahin hai kisi ne kadam
Koi utraa na maidan mein dushman na hum
Koi saf ban na pai na koi aalam
Muntashir doston ko sadaa de saka
Ajnabi dushmanon ka pataa de saka
Tum ye kehte ho vo jang ho bhi chuki
Jismen rakha nahin humne ab tak kadam
Tum ye kehte ho ab koi chaara nahin
Jism khasta hai, hathon main yaara nahin
Apne bas ka nahin bar-e-sang-e-sitam
Bar-e-sang-e-sitam, bar-e-kuhsar-e-gam
Jisko chukar sabhi ek taraf ho gaye
Baat ki baat main zee-sharaf ho gaye
Doston ku-e-jaana ki nameherban
Khaak par apne roshan lahoo ki bahar
Ab na aayegi kya, ab khilega na kya
Is kaf-ey-nazneen par koi lalazar
Is hazin khamoshi main na loutega kya
Shor-e-aavaz-e-haq, naara-e-giro-daar
Shouk ka imtihan jo hua so hua
Jism-o-jaan ko ziyan jo hua so hua
Sood se peshtar hai ziyan aur bhi
Doston matam-jismo-jaan aur bhi
Aur bhi talakhtar imtihaan aur bhi
Fiaz ahmad faiz’s, a legend in Urdu poetry, hand written verse……
Bol keh labb aazad hain terey
Bol zabaan abb tak teri hai
Tera satwan jism hai rera
Bole keh jaan abb tak teri hai
Dekh keh aahan ger ki dukan main
Tund hain shulay,surkh hai aahan
Khulnay lage qufloon kay dahanay
Phela her ek zanjeer ka daman
Bole yeh thora waqt bohat hai
Jism-o-jaan ki maut se pehley
Bole keh sach zinda hai abb tak
Bole, jo kuch kehna hai keh ley
Raqeeb say
Aa, kay wabasta haiN us husn ki yaadeiN tujhse
Jis ne is dil ko pari-khana bana rakha tha
Jis ki ulfat meiN bhula rakhi thi duniya humne
Deher ko deher ka afsana bana rakha tha
Aashna haiN tere qadmon se woh raaheN jin par
Us kii madhosh jawani ne inayat ki hai
KarwaaN guzre haiN jin se usi raanaai kay
Jis ki in aankhoN ne be-sood ibadat ki hai
Tujhse kheli haiN woh mehboob hawaaiN jin mein
Us kay malboos ki afsurda mehak baaqi hai
Tujh pay bhi barsa hai us baam se mehtaab ka noor
Jis meiN beeti hui raatoN ki kasak baaqi hai
Tu nay dekhi haiN woh peshani woh rukhsaar woh honT
Zindagi jin kay tasavvur meiN luTa di humne
Tujh pay uTThi haiN woh khoii hui sahir aankheN
Tujhko maloom hai kiuN umr ganwadi humne
Hum pay mushtarkah haiN ehsaan gham-e-ulfat kay
Itnay ehsaan kay ginwaauN to ginwaa na sakuN
Hum nay is ishq meiN kya khoya hai kya seekha hai
Juz teray aur ko samjhauN to samjha na sakuN
Aajizi seekhi, ghariboN ki himayat seekhi
Yaas o hirmaan kay dukh dard kay maani seekhay
Zeer dastoN kay masaaib ko samajhna seekha
Sard aahoN kay rukh e zard kay maani seekhay
Jab kahiN beTh kay rotay haiN woh bekas jin kay
Jin kay aankhoN meiN bilaktay huey so jaate haiN
NatawaanoN kay niwaloN pay jhapaTtay haiN uqaab
Bazoo tolay hue manDlaatay hue aate haiN
Jab kabhi bikta hai bazaar meiN mazdoor ka gosht
Shah rahoN pay ghareeboN ka luhoo behta hai
Aag si ssenay meiN reh reh kay ubalto hai na pooch
Apnay dl par mujhe qaaboo hi nahiN rehta hai
bahaar aai to jaise ek baar
laut aaye hain phir adam se
wo Khwaab saare, shabaab saare
jo terey hontoo.n pe mar mite the
jo mit k har baar phir jiiye the
nikhar gaye hai.n gulaab saare
jo terii yaado.n se mushk_bo hai.n
jo tere ushshaaq kaa lahu hai.n
ubal parey hai.n azaab saare
malaal-e-ehvaal-e-dostaa.n bhi
Khumaar-e-aagosh-e-mehavashaa.n bhii
Gubaar-e-Khaatir ke baab saare
tere humaare
sawal saare, jawaab saare
bahaar aai to khul gaye hai.n
naye sire se hisaab saare
Faiz Ahmad Faiz Poetry - Faiz Shayari 